الأول قالوا الجمعه
بعدين قالوا الخميس
قلت نعيد بسرعه
لا يقولوا خلاص مافيش
من عيني هتنزل دمعه
إن روحت أدبح مالاقيش
الله يجازيه بالخير
جنبنا كان فيه جزار
راجل طيب و أمير
خلاني بنفسي أختار
إخترته سمين و فرحت
حتى إتصورت معاه
كل اللي معايا دفعت
و بقلبي شكرت الله
حل لمشكلتي وصلـت
و خروف العيد لاقيناه
إنما فيه لسه سؤال
إيه أخبار الهلال؟
فيه ناس بتقـُل شفناه
و فيه ناس بتقول دا خيال
و فيه ناس بتقول رؤياه
الليله دهيّه محال
بقى دا أسمه كلام يتقال؟
و لإمتى على دا الحال؟
دا مافيش و لا عيد بيفوت
من غير ما تكون خلافات
و لا عادش تاريخ مظبوط
و لا حتى يوم عرفات
طب ممكن لحظه سكوت
و إسمع صوت التكات
و جاوبني قوام لا يفوت
وقتنا من غـر إجابات
إيـ رأيك في الحسابات؟
و إشمعنى الصلّه من غير هلالات؟
طب ليه لابسين ف إدينا ساعات؟
و عليها ف كل دقيقه
بنبص على الأوقات
مش واجب نلقي طريقه
تجمعنا العيد الآت؟
و تكون ع الحيطه نتيجه
واحده لكل الأعياد
و الأمه تكون مجتمعه
في الفرحة و الأحاسيس
ما هي واحده الشمس الطالعه
و بجد دي حاجه تغيظ
دا مافيش إسبوع مش سبعه
و لا حتى بأمر رئيس
الأول قالوا الجمعه
بعدين قالوا الخميس
قلت نعيد بسرعه
لا يقولوا خلاص مافيش
