قصائد ساخرة - الأكثر قراءة

البرطوش

الزيارات: 1221

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

كان واقف فرحان منفوش

جنب المملوك الطربوش

واحد فيهم خد بالجزمه

و التاني قريب بالبرطوش

و اللي يعيش ياما لسه هيسمع

و اللي ما شافش أكيد هيشوف

بكره الشبشب هيكون مدفع

و الصندل قنبله مولوتوف

و الأمم المتحده هتمنع

لبس البلغه ف أي ظروف

و اللي يروح أمريكا هيرجع

يحكي عن الشعب المكسوف

مسكوا رئيسهم ماشي يبرطع

رجليه حافيه و مليان خوف

فيه عفريت للصرمه بيطلع

و يخليه كدا زي خروف

و إن جاله حد و سأله تلمع

يتنطط زي المهفوف

أصل الكلمه دهيه بتوجع

و كأنه بقبقاب محدوف

تسلم إيد الصحفي المجدع

خلى رئيس أمريكا حلوف

و أنا قررت إني أفتح مصنع

لجزم نوعها بقى معروف

إسم جديد ف السوق راح يلمع

كله هيبقى عليه ملهوف

يالا يا عايز

يالا يا عايزه

إحجزوا عندي ما تستنوش

إلحقوا فردة

قديمه و وسخه

بنعل كاوتش و إسمها بوش

موقعة بوش و الصحفي العراقي منتصر الزيدي في ديسمبر 2008

0
0
0
s2smodern