قصائد ساخرة - الأكثر قراءة

حـشـيـش

الزيارات: 54
تعطيل النجومتعطيل النجومتعطيل النجومتعطيل النجومتعطيل النجوم
 

واحد كنت أعرفه ف الجامعة

إسمه حشيش

حد ألفُه ف سيجارتين

أو أحرقـُه على حجر الشيشة

إغتابني ف صفحات تانيين

وجه يديني دروس في العيشة

دا أستخسر فيا التعليم

وكمان إسمي إزاي مش فاهم

طب دا حشيش زي البرسيم

تتعلف بيه البهايم

مقدرش أقولك كان صاحبي

أنا ماصاحبتش ناس نتنين

غير إن أنا واحد متربي

ومبغلطش ف ناس غايبين

عمري ما بشتم حد لوحده

أنا بشتم كل الخانعين

ومافيش أسم ف مرة كتبته

م اللي معايا مختلفين

واللي كلامي بيلسع خده

يتصرف زي الواطيين

بس الذنب عليه مش ذنبي

فكر هرضىّ وأقوله آمين

ولاّ هخاف ومقولوش ردي

وأوضحله حدوده لفين

وبيني وبينه هيفصّل ربي

مين كان فينا مع ظالمين

يعني يخالف رأيي دا حقه

ماحناش واحد .. إحنا إتنين

يرضىّ بعيشة الذل براحته

وأنا حقي أكون م الرافضين

الحرية طريق إخترته

وكتير غيري فيه ماشيين

ومصر ماهياش بلده لوحده

مصر لكل المصريين

وصك الوطنية مش عنده

بيوزعه ف شمال ويمين

فاللي يرص كلام مش قده

دا مينفعش معاه اللين

فأنا شديته أهو ونفخته

بعد مارصيته حجرين

أصلي إن كنت رضيت بإهانته

منفعش أكون علم الدين

0
0
0
s2smodern