قصائد متنوعة - الأكثر قراءة

راجع على فيينا

الزيارات: 256
تعطيل النجومتعطيل النجومتعطيل النجومتعطيل النجومتعطيل النجوم
 

راجع على فيينا .. هعيد غرام بينا

راجع من تاني أعيش .. في حتة م الجنة

راجع لأصحابي .. الساكنين جوا قلبي

ولكل أحبابي .. اللي في مقام قرايبي

ماينقصوش سنّة

هاكل جيلاتي ف الصيف .. وأتمشى ع الدانوب

و ف البرد أبو فروة كيف .. بحرارته التلج يدوب

لو مرة تلجنّا

هركب تاني التروماي .. من حي أروح على حي

والمترو رايح جاي .. مالهوش مثيل ولا زي

لو فين يوصلنّا

هتفسح في الجناين .. والغابات والجبال

وهشوف أجمل أماكن .. وأتمتع بالجمال

اللي بيبهرنّا

هفطر بعيش فينو .. وأتغدا بشاورما

وأشرب كابوتشينو .. في السهرة مع لمة

من كل أوطانّا

هسيبك وأنت غالية .. على قلبي ياقطر

وأدعي ف سنين جاية .. يجمع بينا القدر

وأشتاق وأتمنى

0
0
0
s2smodern