قصائد متنوعة - الأكثر قراءة

العبرة بالنهايات

الزيارات: 1048
تعطيل النجومتعطيل النجومتعطيل النجومتعطيل النجومتعطيل النجوم
 

كسر قيود اليأس .. و العجز و الإحباط

من اللي فات خد درس .. و العبرة بالنهايات

إمشي ف طريق الحق .. ف نهايته تلقى الخير

و إياك تطاوع خلق .. مات جواها الضمير

إن طال عليك الليل .. بعديه هييجي نهار

و الراحة بعد الويل .. و الحلو بعد مرار

إرفع جبينك فوق .. و شد ضهر إنتنَى

متخافش من مخلوق .. خاف بس من ربنا

إفتح لبكرة الباب .. خليك جرئ متخافش

و ضي القمر لو غاب .. م العتمة ميهمكش

هتشوف بنور قلبك .. اللي بعنيك متشافش

مين اللي بجد صاحبك .. مين اللي ليك بيغش

مين اللي بيأيد .. الظلم عن بينة

مين عبد مين سيد .. مين منّا مين ضدنّا

مين ف الطريق مشي عكس .. كلامه ف البدايات

مين اللي عايش بس .. في عنينا م الأموات

و مين اللي مات و نحِّس .. إنه ماسبناش لحظات

0
0
0
s2smodern