شلت الحديد و الطوب
و حمول من كل لون
ما لقتش ف المكتوب
إتقل من الديون
ف الغربة ليا سنين
أنده على بكرة
معرفتش هو فين
مين فيكوا عنده فكرة
أنا عشت ألف إمبارح
و حوالي ألف النهاردة
إمتى يا بكرة نتصالح
و أعيشك مرة واحدة
حبيت و عمري ما نولت
مع إني كنت بقول
يا ريتني ما كنت قولت
مش كان يمكن أنول
لفيت بلاد و بلاد
و عرفت خلق و ناس
ف الغربة مافيش أعياد
أفرح فيها بإحساس
الخوف خواف ما بيتشافش
و لا نعرفلوش أوصاف
ماهُو لو يتشاف ما يخوفش
غير اللي بطبعه خواف
