قصائد متنوعة - الأكثر قراءة

بريت سن القلم

الزيارات: 925
تعطيل النجومتعطيل النجومتعطيل النجومتعطيل النجومتعطيل النجوم
 

بريت سن القلم .. و نويت من تاني أكتب

هوصف جراحي و الألم .. و اللي بحسه و مش هكدب

من تاني خلاص ياكلام .. ها تقابل الورق

من بعد فراق وألام .. تاني غرامكوا بدأ

هتمنى ف كل كلمه .. و أشتاق مع كل سطر

تتملي بالخير الأمه .. و أدعيه ربنا بالستر

هحلم بزوال الغُمه .. و يبان من تاني الفجر

و تفوق الناس النايمه .. في زمن مليان بالغدر

ناوي أشبك الحروف .. و أعمل منها جمل

و أكتب سطر و ألوف .. أملاهم بالأمل

أأمُر نفسي بمعروف .. و الإخلاص ف العمل

و أتمنى لجيلنا يشوف .. حلمه خلاص إكتمل

و مادُمنا عليها ضيوف .. و بنستنى أجل

مش راح يمنعني الخوف .. و لا هسكت من خجل

0
0
0
s2smodern