كان شئ مداري و بان .. كان بينا في جسر إتهد
كان ليك ف القلب مكان .. و خلاص ما بقاش بجد
أنـا ساكت بس عشان .. مبحبش أجرح حد
و إن حتى تقول غلطان .. و الله ما ناوي أرد
راح أسيبك للأيام .. و هسِيبه يفوت الوقت
و لا هفتح أي كلام .. و لا أقولَك إني عرفت
بس إنت فاهمني تمام .. أنا قاصد إيه بالظبط
مش عايز أقولك كام .. و هسيبك إنت تعد
كام مره رضيت بحرام .. و عضيت كفي اللي إتمد
فاكر ربنا بِينام .. أو يرضى بظلم العبد
أنا يمكن ساذج جايز .. إنما عمري ما سرقت
دا أنا أموت م الجوع لو عاجز .. بس مخونهوش العهد
طول عمري بغيري أنا حاسس .. و لا مره بحد غدرت
لقمتي أديها العايز .. و غطايا .. و أنام ف البرد
و تملي البخت معاكس .. حتى أنت الغدر إخترت
و إذا كانوا الخلق مراكز .. فأنت مكانك ف الأرض
بقى بينا خلاص ميت حاجز .. و أنا قلبي خلاص إتسد
مش عايِز أشوفك خالص .. و لا يوم هتشوفني .. دا وعد
مبحبش أعرف ناقص .. و أنساه و لا أقولش خسرت
لو عندك رد أنا جاهز .. بس إنت خسيس مش ند
