قصائد متنوعة - الأكثر قراءة

آهة وجع

الزيارات: 1154
تعطيل النجومتعطيل النجومتعطيل النجومتعطيل النجومتعطيل النجوم
 

 

الكلمه اللي بتوجع

أحياناً بتجمع

و كلامي اللي بيلسع

من جوايا بِيطلع

أكتبه عيني تدمع

و أما أقراه بتوجَّع

و محلا البُكا لو تبكي

يوم ما لوطنَّك ترجع

محلا الأسى لو تشكي

و تلاقي اللي بيسمع

محلا مرار إمبارح

جنب مرار دلوقتي

محلا نهار فات كالح

جنب نهار مِتخبي

إمتى الليل هنودَّع

إمتى يابُكرَّه هتِيجِي

إمتى الشمس هتطلع

زي ما رايد قلبي

ليه يا طريق بأطوَّح

و رايحَّه لفين يا مراكب

إمتى أعود و أروَّح

يا سفاين بتعدي

قلبي معاكم راكب

لو رايحين على بلدي

هز يا طير جناحاتك

زمر توت يـا وابور

قولها يا قلبي جراحك

إنت عليك الدور

0
0
0
s2smodern