قصائد متنوعة - الأكثر قراءة

معلهش

الزيارات: 1168
تعطيل النجومتعطيل النجومتعطيل النجومتعطيل النجومتعطيل النجوم
 

إتأخرت عليك؟

معلهش

صدقني مبقصدش

سامح بقى خليك

طيب ما تزرجنش

جي عشان أراضيك

و أنا غلطان مـنكرش

لكن بُص

هاه .. بصيت؟

اللي تشوفه سوا بالنص

مش معقوله مشوفتِش حاجه

تفتح يعني النفس

مش قصدي التلاجه

قصدي حاجات تتحس

عايز طن مشاعر حُب

إحساس يسكن جوه القلب

و إوعى تقولي دا صعب

أو ممكن بالغصب

نفسي أقوم الصبح

مش مجروح و لا جرح

عايز أطير م الفرح

قبل ما أموت م الخوف

جايز أكون مش صح

قول ما فهاش كسوف

شاور بقى على بكره

عايز أشوفه معاك

إيه رأيك مش فكره

لو تقابلني هناك

و إن برضه إتأخرت

عندي ظروف و ما جتش

إفرض مثلاً تهت

سكه إليه ما لاقيتش

يبقى معادنا إمبارح

لو وقتك كان سامح

و إن وقتك مسمحش

يبقى خلاص معلهش

0
0
0
s2smodern