ناس عملوا حبوني .. لكن راحوا ما جوش
و أما ف سكه شافوني .. قالوا ما نعرفهوش
و كتير ناس جرحوني .. و لجرحي ما داووش
و ناس إديتها عيوني .. طلعوا ما يستاهلوش
و كتير اللي خانوني .. و لعهدي ما صانوش
خيبوا كل ظنوني .. و بألمي ما حسوش
قالوا عني و وصفوني .. وصف ما صدقتوش
دول غير اللي فاتوني .. و الأسباب ما قالوش
كان نفسي يعاتبوني .. ليه بس ما عاتبوش
مش جايِز ظلموني .. و حقيقتي ما عرفوش
كانوا أحسن واجهوني .. و عليّا ما خبوش
و أي أماره إدوني .. حتى إن قالوا رتوش
لكن دول خدعوني .. و لبسوا قصادي وشوش
و إختاروا يعاملوني .. بكلام كان مغشوش
و الآخر خلوني .. شفت اللي ما شفتوش
و أما حروفهم جوني .. بان شئ ما أنكرهوش
الكون دا مش كوني .. و ياريتني ما جتلوش
دا الناس فيه بكوني .. بُكا غيري ما بكيوش
و آهو دمعي على جفوني .. لسه ما نشفتوش
