قصائد متنوعة - الأكثر قراءة

يا عم رُوح

الزيارات: 823

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

 

بخاف أكتب
تفكرني عليك بكدب
و أخاف أسكت
تقول إني نويت أهرب
فإيه أسهل؟
و إيه أصعب؟
سؤال خلاني أستغرب
و معرفتِش جواب و لا رد
حقيقي بجد صدقني
في عندك وقت؟ إسمعني
مش إنت تبوح و توجعي
و كل ما أروح ترجعني
و تطرحني و تجمعني
و تقسمني كمان نصين
و في الآخر عايزني أروح؟
ده أنا ممكن تفوتني الروح
لكن ماشي
و حلفتك ما تنساشي
تقولـي إزاي و أروح على فين
و قولي الأول أمشي منين
و فيه عندي كمان شرطين
يا تيجي معايا يا بلاش
لوحدي السِكه معرفهاش
و من غيرك مانِيش منقول
دا حالُه زمانا مش معقول
خلاص إنسى قابيل و هابيل
بقى القاتل له ألف قتيل
و أصبح ليلنا عتمه طويل
بقينا نخاف من المعلوم
و م المجهول
و م المقسوم
و م الموصول
و شُفنا العرض زي الطول
بقينا ف دنيا زي الغول
أمان فيها خلاص ما بقاش
و كِترت ناس ما نفهمهاش
و ناس فاهمينها راحوا ما جُوش
و أنا زيك صديق ملقاش
كتير حاولوا لكن ملقوش
هبيع أملاكي لجلك كاش
عشان قَلبك شبه ملهوش
أكون صاحبك دي حاجه بغاش
في وقت الصدق فيه مغشوش

0
0
0
s2smodern