عظيم يارب إديتنا قلب
مليان محبه و خير و سلام
فأزاي يارب نملاه بذنب
إزاي نخلي الحب حرام؟
يارب دا الحب مالينا
حب لبلدنا و أهالينا
و الحب كان وعـد نبينا
لأمنا الست خديجه
و ياريتنا نعرف زيُه نحب
يارب بِتحِب عبيدك
ملِتلِنا الكون دا بخيرك
ميكُونش حُب اللي ف غيرك
أو كان يـخالف تعاليمك
أو يِتفِّرض و يكُون بالغصب
الحب لما بيبقى حلال
بنحس روحنا ف أحسن حال
و الدنيا يبقى ماليها جمال
شايفاه عنينا يمين و شمال
و الحب أجمل شئ ع الأرض
كريم يارب وبنحبك
و بحُبنا بنول رضاك
نهار و ليل باسط يدك
بتوب علينا فوق في سماك
نرفعها إيدنا بشكر و حمد
بنحب كل اللي يحبك
و نحب كل اللي سجدلك
و نحب فيض كرمك
وإنت الغفور وحدك
و لا قبل حبك فيه و لا بعد
