قصائد متنوعة - الأكثر قراءة

إنت راجل جدع

الزيارات: 1778

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

إهداء إلى صديقي الشاعر محمد سعيد


ياااااااااااااااه
أد إيه قلبك كبير
أد إيه راجل جدع
دا أنا شُفت ياما ناس كتير
و ناس عارفهُم بالسمع
زيك إحساس حرير
ما لقتش ف مجتمع
عندك فعلاً ضمير
بلسم يطيِّب الوجع
و لا زيك فيه أمير
لو حتى وشوشنا الودع
أو قريناه الفنجان
دا أنت صحيح إنسان
إنت راجل جدع

في رُكن قلبك
حسيت حقيقي ب الدفـا
يااااااااه ع الوفا
الله عليها المشاعر
ريحَّت بالي و كنت حاير
في غربه عامله كالشبح
قلبي البرئ فيها إندبح
دا أنا ياما إحساسي إنجرح
و لا عمري حسيت بالفرح
ياريتُه ربي كان سمح
و خلاني أقابلك من زمان
يا صاحب الوِش السَمح
دا أنت صحيح إنسان
إنت راجل جدع

حسيت بمعنى الإنسانيه
حسيت بإخلاصك
شفتك ماسك إديّا
و حاسبني من ناسك
نفسي تشوفك عينيّه
و تسيبني أبوس راسـك
و لجل جميلك عليّا
لو أمسحلك مداسك
هفضل مديون كمان
دا أنت صحيح إنسان
إنت راجل جدع

قريت كل الحاجات
البوح ويا الآهات
حسيت إن إحنا إخوات
حنان بِيشع ف سطورك
و قايده دُنيتنا بنورك
ياريتني نقطه ف بحورك
سعادتي و راحتي ف وجودك
و لو بإديّا أو أمري
أنا أدفعلك بقيت عمري
مقابل لحظه فيها أشوفك
و يجمعنا بجد مكان
دا أنت صحيح إنسان
إنت راجل جدع

0
0
0
s2smodern