قصائد متنوعة - الأكثر قراءة

مستني

الزيارات: 1010
تعطيل النجومتعطيل النجومتعطيل النجومتعطيل النجومتعطيل النجوم
 

 

أنا هفضل قاعد مستني

فياريت متغبش عليّا كتير

صوتك و حروفك واحشني

يا أبو قلب حنين قوي و كبير

عايزك ترجعلي تطمني

تمسحها دموع نزلت مني

و تبدد شك بيقتلني

بناديك و ياريتك تسمعني

ف بعادَّك قلبي بيوجعني

أرجوك مش عايزَّك تحرمني

من أخ أمَّا أرجع يحضني

من صاحب مخلص يقاسمني

أحاسيس و مشاعر ساكنني

بُعدَّك صدقني بيقسمني

ألمك يا صديقي بيألمني

قلبك دقاته بتوصلنِي

إوصفلي طريقه توصلني

عندك أو تيجي قصاد مني

مش ده كان وعدك تقابلني؟

معلش يا صاحبي إستحملني

أنا عايزك تعرف شئ عني

مبحبش حد يعشمني

و أنا عارفك قادر تفهمني

و هتعرف قصدي و إيه بعني

 

اليأس لا يمكن يهزمني

و مافيش و لا إنس بيغلبني

أنا مؤمن ربي اللي خلقني

وياك ف الدنيا هيجمعني

هسمعلك و إنت تكلمني

و هقولك و إنت هتسمعني

و مش خايف أنا إكمني

عارفك مش ممكن هتبيعني

0
0
0
s2smodern