قصائد متنوعة - الأكثر قراءة

نص ساعه

الزيارات: 900
تعطيل النجومتعطيل النجومتعطيل النجومتعطيل النجومتعطيل النجوم
 

 

إسمحيلي بنص ساعه من وقتك يا دُنيا

نص ساعه و إحسبيها بالدقيقه

نص ساعه الخيال يصبح حقيقه

يعني تبقى الناس بريئه

و القساوة تصير رقيقة

و القلوب طاهرة و خضره

تبقى كلمة حب فاكره

و الخطاوي تبقى قادره

تلقى سكه رايحه بكره

إسمحيلي بنص ساعه

تتلغي فيها الحدود

نص ساعَّه فيها أعود

حر ف الكون و الوجود

نص ساعه

فيها أحقق أمنيات

ألقى دراعاتي جناحات

و أبقى قادر إني أطير

أعبر البحر الكبير

أبقى أعلى م الجبال

يبقى ممكن المحال

نص ساعه إسمحِيلي

ألقى ضى يبان ف ليلي

أبقى عارف خط سيري

نص ساعه أشد حيلي

يجري فيها بسرعة خيلي

نص ساعة إجعليلي

نجمه قايده تكون دليلي


و إحسبيلي إيه فاضلي

و إشرحيلي إزاي يجيلي

نص ساعه ليّا ميلي

أنسى فيها كل ويلي

يبقى هين فيها شيلي

نص ساعه يا دنيا بس

قلبي فيها يعود يحس

إنه لسه قلب عايش

يهدا عقلي اللي طايش

نص ساعه و بس هي

مش كتير يعني عليّا

نص ساعه تدهاني

ألقى نفسي فيها تاني

وإن ف مره تحتاجيها

من سنيني اللي جايه

إطـرحيها

0
0
0
s2smodern