قصائد متنوعة - الأكثر قراءة

أنا مسامحك

الزيارات: 1221
تعطيل النجومتعطيل النجومتعطيل النجومتعطيل النجومتعطيل النجوم
 

 

لا هو ف صالحي و لا صالحك

نعاند بعض و أضايقك

خلاص يعني أنا مسامحك

و مش زعلان و لا مخاصمك

دا أنا ياما بضيع زيك

و أتوه عن نفسي أحياناً

و لو تسألني راح أقولك

و أوصف حالي بأمانة

ساعات أنسى الكلام كله

و أنسى الحَرف إيه شكله

أجيب قلمي أبوس رجله

أقولُه إلحقني .. فكرني

لكن برضه يحيرني

و يرفض إنه يِطاوعني

تتوه الكلمة جوا الحلق

و تبقى ال أيوَّه زي ال لأ

أقول .. أسـكُت .. محسش فرق

صعِيبة الغُربه يا صديقي

و جرحي أكيد كما جرحَّك

و لو تكتب نشف ريقي

أجيب الميه و أشربلك

و لو نفسك أنا أحلملك

مافيش مانع ما أنا فاهمك

و حلمي أكيد شبه حلمك

أكيد واحشَّك تُراب بلدك

و أنا زيك

و لا ف صالحي و لا صالحك

نعاند بعض و أضايقك

خلاص يعني أنا مسامحك

و مش زعلان و لا مخاصمك

0
0
0
s2smodern