قصائد متنوعة - الأكثر قراءة

ألف و باء معنى الوطن

الزيارات: 947
تعطيل النجومتعطيل النجومتعطيل النجومتعطيل النجومتعطيل النجوم
 

ألف و باء كلمة وطن

إنك تلاقي فيه سكن

و أما تشوفُه ع الورق

يكون مشابه للحقيقه

مش يبقى حلم بتحلمه

و بس ف خيالك ترسمه

دا كمان ضروري تفهمه

و يحس بيك و تكلمه

متكونش تايه جوا منه

و لا تبقى عارف حاجه عنه

و زي الغريب من غير سكن

ألف و باء كلمة وطن

إنك بقلبك تكتبه

و إن غبت عنه تحسبه

مشتاق و مستني رجوعك

يفتح دراعه يحضنك

و يطمنك

لو تبكي يمسحلك دموعك

تحلو صورته بين عيونك

تشبع حنانه بعد جوعك

يهمس يقولك إنه رايدك

تفتحها من تاني ستايرك

تبدأ تشوف الدنيا نور

و تشوف بكرة اللي جايلك

يِتكسّر كل سور

كان حايش ضي عنك

ترقص كل السطور

لو تكتب إسم وطنك

ترفعها راسك

يبقى عندك كبرياء

تلقى خلاصك

من مرارة كل داء

مش هو دا برضه الوطن

لو نوصفه ألف و باء؟؟؟

0
0
0
s2smodern