تيسيرعلوني
خانتني عيوني
و غصبن عني بكيت
وياك بقانونهم حاكموني
و بحكم الظالمين سجنوني
علشان بصراحه حكيت
حبسوه الصوت الصادق
و إتكلم صوت كداب
أصل ف حساباتهم مش فارق
غير حكم القوي و شريعة الغاب
ف قلوبهم تاني النار قادت
و محاكم تفتيشهم عادت
وزنوه العدل بموازينهم
يا القتل يا سجن ف زنازينهم
يا صاروخ أو دانه تدك الحيط
تيسيرعلوني
خانتني عيوني
و غصبن عني بكيت
حاكموك على كلمة و على صورة
ف قلوبنا هتفضل محفورة
على خط جبينك و جبيني
مظلوم أنا زيك و آديني
بصيت للسما و بصوتي ناديت
قلت يا ربنا و بقلبي دعيت
مين غيره بيسمع ندا مظلوم
مين غيره يصبَّر ضنا محروم
و يرجَّع أب برئ للبيت
تيسيرعلوني
خانتني عيوني
و غصبن عني بكيت
