قصائد متنوعة - الأكثر قراءة

بنجيها ما معناش

الزيارات: 906
تعطيل النجومتعطيل النجومتعطيل النجومتعطيل النجومتعطيل النجوم
 

بنجيها ما معناش

و نسيبها ما معناش

و محدش في الحياه

مش هيموت مهما عاش

كل اللي جاها إشتكى

و ف يوم ميلاده بكى

كداب مهمن حكى

و حلفلك ما بكاش

دي الدنيا سكة سفر

و إحنا يدوبك بشر

من صغرنا للكبر

ماشيين و موصلناش

بخطوط على جبينا

مكتوبة مصايرنا

الماضي و حاضرنا

و اللي لسه ما جاش

فبلاش ف يوم تفتنك

لو حتى إيه إدتك

و إن مره جت تخدعك

الفرصه ما تدهاش

0
0
0
s2smodern