قصائد متنوعة - الأكثر قراءة

كنت قولي إستنى

الزيارات: 636

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

طب كنت قولي إستنى

قولي متفوتنيش

معقوله في اللي بينا

ذكرى حلوة ملقتيش؟

خبيت ف عيني دمعتي

و بقيت أأخر خطوتي

يمكن تقولي مـتسبنِيش

كان نفـسي أَسمع صوتك

و إنتِ كلمه مقلتِلِيش

إنتِ إيه .. قلبك حجر ؟

مبتِغفِريش ؟

و لا أنت غير كل البشر

مبتغلطِيش ؟

ف عنيكي مكتوب الوداع

مكتوب خلاص

اللي بينّا كله ضاع

فاضل يدوبك إمضِتِين

مني و منك ع الورق

صبحت حياتنا لحظتين

و الباقي كله إتسرق

صعبه الحياه

و أيامنا فيها قصيره

و طريقنا اللي مشيناه

عايزه تقسِيه بالمسطره

كام سنتي هتساوي الدموع ؟

كام سنتي هتكون الآلام ؟

كام سنتي هتقِيسي الفرح

و ليالي مليناها غرام ؟

كام سنتي هتلاقِيه

حبي ف حياتك ياتري ؟

ضاع من حسابك و نستِيه

و كأنه حاجه صغيره

مش قادر أوصف ليكي .. قد إيه قلبي حزين

طِوِّل الطريق بينك و بيني .. بعد أول خطوتين

لو كنت بس مديتي إيديكي

أو شفت دمعه بِكْيِّتها عنيكي

أنا كنت خدتك بين ضلُوعي

كنت بوستك ع الجبين

كنت خلتها دموعي

نطقت قالِتلِك إنتِ مين

إنتِ أنا

بس ف حسابك .. إحنا اللي بينّا كام سنة

أما ف حسابي .. دايماً هيفضل حبنا

هتفضل كل حاجة بتشوفيها

بيّا تملي تفكرِّك

لو صوره واحده كنا فيها

لازم دموعك تغلبك

بكرة حياتنا تشتاقيها

و ضروري بُعدي يسهرِّك

فينها مشاعرك ودتِيها ؟

رُدي عليّا بسألِك

و إزاي مشاعري تظلميها ؟

و تقولي إني بظلمك

لو كنتي إيدِك مدتيها

أنا كنت عُمري مودعـك

0
0
0
s2smodern