قصائد متنوعة - الأكثر قراءة

آبه

الزيارات: 1027
تعطيل النجومتعطيل النجومتعطيل النجومتعطيل النجومتعطيل النجوم
 

أبي رحمة الله عليه كان نبع حنان لا ينضب ومنه تعلمت الشعر على الرغم من أنه لم يكتبه يوماً

آبّه

جُم قالولي مش هَشوفك

جُم قالولي

إن كفي مش هتضمه كفوفك

جم قالولي إنك إنت بقيت بعيد

مش هترجع تاني لينا

مش هتشوفَك عنينا

مش هحس معاك بعيد

آبه

تأكد إني بيك فخور

و أوعدك أفضل صبور

رغم إحساسي الأليم

إني يا آبه بقيت يتيم

مش هقولها تاني آبه

و لا هَسمع إبني الحبيب

آبه

كل دقه جوه قلبي بتناديك

مشتاقه إيدي تلمسها إيديك

و مناها عيني تتلاقى بعنيك

حانن إليك

تِندهلي أسمع صوتك

أجري عليك

بإديّا أمسك توبك

و أدارى فيك

يطمني دفا حضنك

و يرويني حنان قلبك

يا آبه تملي هشتاقلك

ودايماً روحـي تندهلك

آبه

مش هنسى دمك اللي جاري جوه مني

ف حبال الوريد

و لا هنسى و إنت فوق كتفك شايلني

أو ماشي جنبك إيد في إيد

و لا هنسى سجادة صلاتك

مش همل يا آبـه من قصة حياتك

راسي مرفوعه بإيمانك

رغم إحساسي الأليم

إني يا آبه بقيت يتيم

مش هقولها تاني آبه

و لا هسمع إبني الحبيب

0
0
0
s2smodern