إنتفاضة الأشعار - الأكثر قراءة

إثبت يا زول

الزيارات: 61
تعطيل النجومتعطيل النجومتعطيل النجومتعطيل النجومتعطيل النجوم
 

إثبت يازول .. قاوم وإدعي ربنا

وهو عليه القبول

إهتف وقول

الشعب وحده اللي بإيديه كل الحلول

إوعى العساكر يسرقوا

منكم أملكوا وحلمكوا

متخلهمش يفرقوا

بينكوا ف طريق بيضمكوا

إثبت يازول .. إحمي بثباتك ثورتك

أصبر تنول .. وإفرد جناح حريتك

لو ليل يطول .. الفجر لازم جايلك

والشمس هيبان ضيها .. بعد الأفول

إثبت يازول

...

عِد السنين اللي ف حياتك عشتها

مظلوم يازول

مشاوير طويلة قطعتها

من غير وصول

ومافيش حقوق ليك خدتها

يوم بالأصول

ولا يوم بلادك شوفتها

وضعها معدول

يا تعيش غريب على أرضها

شايل حمول

يا مرار ف غربة روحتها

ووجعك مهوول

هي العساكر نفسها

ونفس العقول

من مسرحية حضرتها

بنفس الفصول

كاتبة البلد على إسمها

عرضاً في طول

واخدينها ليهم كلها

وبيعتبروك عزول

وأنت اللي شايل همها

وبأمرها مشغول

متاخدش حاجة منها

ولا شئ تطول

عسكر وظالمة ف حكمها

والظلم غول

لكن له آخرة ومُنتهى

ولازم يزول

إثبت يازول

0
0
0
s2smodern