إنتفاضة الأشعار - الأكثر قراءة

زيك قطعت النفس

الزيارات: 1046
تعطيل النجومتعطيل النجومتعطيل النجومتعطيل النجومتعطيل النجوم
 

زيك قطعت النفس .. و طلعت خلاص روحي

صوتي الضعيف إتحبس .. و لا عاد يفيد نوحي

دا أنت على الجنة .. يا حبيبتي هتروحي

و أنا لسة هستنى .. و هعيش مع جروحي

لسة بعيوني هشوف .. اللي بيجرالنا

أدارَى م الكسوف .. و أبكي على حالنا

عشان إحنا يا حبيبتي .. بقينا ما نساويش

و إن كنت إنت موتي .. أنا برضه مش هعيش

أصل الحياة مش بيت .. و آكل و أشرب و أنام

و أنا ماشي جنب الحيط .. ماليش حق الكلام

حاسس تملي بعجز .. و الآهة وراها آاااااااه

دا الموت كدا بالعكس .. يبقى هو الحياة

0
0
0
s2smodern