إنتفاضة الأشعار - الأكثر قراءة

إنت ميت و لا نايم؟

الزيارات: 894
تعطيل النجومتعطيل النجومتعطيل النجومتعطيل النجومتعطيل النجوم
 

 

غصب عني يا حبيبي .. السؤال أنا عارفه ظالم

و رغم إنك مش قريبي .. باللي فيا ربي عالم

كل لحظة تمر بيا .. ألقى روحي ف دمع عايم

كل صورة قصاد عنيا .. تبقى مجهولة المعالم

إلا صورتك بين إيديا .. شفت فيها جرح دايم

حتى لو مبقتش فاهم

إنت ميت و لا نايم

إنت عايش .. و إحنا يا أبني الميتين

إنت عايش .. و إحنا بالخوف مدفونين

إنت روحت الجنة عوم .. و إحنا في النار غرقانين

إنت ودعت الهموم .. و إحنا فيها مسجونين

ده أحنا حتى إن جالنا نوم .. منه بنقوم مفزوعين

على خبط مطرقة المحاكم

إنت ميت و لا نايم

إنت نايم و لا مُت؟ .. الإجابة محيراني

راقد فوق رمال الشط .. تستريَّح أو تعاني

يا أبني من فضلك صارحني .. البحر مظلوم و لا جاني

مين رماك جواه جاوبني .. دا اللي فيه رماك رماني

قولي ردك ليه تسيبني .. ويا صورة معذباني

لخصِّت كل المظالم

إنت ميت و لا نايم

إنت ميَّت بيقولولي .. اللي عايزينك تموت

و بس نايم صرحولي .. اللي عارفينوا سكوت

بعد منه صوتنا هادر .. ينتهي بيه الطاغوت

و اللي خاين و اللي غادر .. بينا مايكونلوش وجود

و كل طير من أرضه هاجر .. بكرة ليها راح يعود

و جوه عشه يبقى سالم

إنت ميِّت و لا نايم؟

0
0
0
s2smodern