إنتفاضة الأشعار - الأكثر قراءة

خط المحمول

الزيارات: 858
تعطيل النجومتعطيل النجومتعطيل النجومتعطيل النجومتعطيل النجوم
 

خط المحمول

خط المحمول اللي إنت تاجرت

بكل الشهدا عشانه

و رضيت و قبلت

بنقط الدم يكون إرساله

رنته هتكون .. دايماً ملعون

و إن اللي يخون

ف جهنم محجوزله مكانه

و ف وسط الشرفا ماهوش مقبول

رقم الإخلاص اللي إنت

ف رحلة عمرك ما طلبتوش

واللي إنت بنفسك أثبت

إن إنت ف كل سجل حياتك ما كتبتوش

صدقني خلاص

بقى لازمه مالوش

إن جيت تطلبه هيكون مشغول

و إن رد عليك

راح تسمع منه ولاد صهيون

ما هو دول أسيادك

نفس الطبع و نفس اللون

و آهو كدا معقول

لو يوم يدوك خط المحمول

رقم الوطنيه مقطوع سلكه

و مش واصلاله حراره

و إن غلطه طلبته

مش هتجيلك أي إشاره

و ضميرك رقمه ما بيردش

علشان لفاتورته ما دفعتش

و هتدفع بس إزاي و منين

إذا كان الراتب من صهايين

و وظيفتك تبقى يدوب دلدول

و آهو جايز بكره تكون مسؤول

لو يوم إدوك خط المحمول

0
0
0
s2smodern