إنتفاضة الأشعار - الأكثر قراءة

إن الله مع الصابرين

الزيارات: 822
تعطيل النجومتعطيل النجومتعطيل النجومتعطيل النجومتعطيل النجوم
 

أصمد و أصبر .. إن الله مع الصابرين

وحد كبر .. الله أكبر ع الظالمين

شمس الحق ضروري تنور .. للي عليها بصدق يدور

شق طريق للجنه و حرر .. أرضنا من إيد الغاصبين

أنا من قلبي معاك أنا جنبك .. أنا رافض كل اللي يخالفك

طب دا أنا نفسي أستشهِد زيك .. لجل الأقصى و فلسطين

ياللي كرامتي هي كرامتك .. رافع رايتي و رافع رايتك

بتدافع عن أرضي و أرضك .. و ما بعتش زي البايعين

يا مآمن بكتاب من ربك .. كل آياته تأكِد نصرك

مش هيسيبك ربك وحدك .. و هتهزم كل الصهايين

ياللي مضحي عشانّا بدمك .. هم الأمه كلها همك

وسط حصار و ف نار و لا همك .. صحيت فينا روح حطين

دا أنت عظيم و كفايه صمودك .. رغم الخونه و رغم قيودك

أيوه وجودي بقى ف وجودك .. أنا من غيرك هأبقى أنا مين

0
0
0
s2smodern