إنتفاضة الأشعار - الأكثر قراءة

القدس أَرض المسلمين

الزيارات: 797

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 


مع كل كلمه نقراها

و كل صوره العين تراها

مع كل دمعه م العيون سالت

و كل دمعه خبيناها

و ف كل لحظة صدق

مرت علينا عشناها

كنا بِنِسأل نفسنا

فينك يا صوت الحق ؟

و ليه الظلم لف الدنيا

و عشش فيها و ملاها ؟

و ليه أمريكا حاكماها ؟

و هي القاضي و الجلاد

و حبال المشنقه

و قيود المعتقل

و قضبان الزنازِن

و العساكراللي بِيقِيموا المجازر

و الآباتشي اللي بِتدك المنازل

و هى كل فكر صهيوني

يا أمريكا

يا أمريكا مهما تساوي

مهما تكوني

مـسيرك زي عاد و ثمود

و هتزولي

جايز يكون بكره

يجوز لسه زمان و سنين

جايز نكون متنا

يمكن نكون عايشين

يجوز جيل تاني غير جيلنا

لكن إحنا و مش غيرنا

في حضن الأقصى هنصلي

و الآدان دايماً يكبر

عاليه تبقى الله أكبر

القدس مش بلد الصهاينه

القدس أَرض المسلمين

فوق ترابها نبينا صلى

بالأنبياء و المرسلين

ماشيه خطانا إليها و سايره

و مهما يكون ما أحناش ناسيين

و لا هيطفِي النار الثايره

إلا رجوع كل فلسطين

و القدس أرض المسلمين

رابط تحميل القصيدة

شاهد الفيديو كليب

شاهد تسجيل حي للقصيدة

0
0
0
s2smodern