إنتفاضة الأشعار - الأكثر قراءة

إيمان حجو

الزيارات: 914
تعطيل النجومتعطيل النجومتعطيل النجومتعطيل النجومتعطيل النجوم
 

 

ماتت إيمان حجو

ماتت رضيعه

يدوب أيامها يتعدوا

ماتت و لسه طعم الحليب على شفتينها

زي الخيط الحرير ملمس إيدينها

زهره رقيقه

لا ف يوم مسكت حجر

و لا هتفت ف المظاهره

كانت زي القمر

ملامحها بريئه طاهره

بس برضه ماتت

و ليه ماتت ؟

سؤال و الظلم كان ردُه

ماتت إيمان حجو

ماتت إيمان

مات الحلم الجميل

و ماتت كل حاجه حلوه

ما بقاش غير ليل طويل

و مشاعر حزن مره

و دموع ما بتنتهِيش

و إحساس بالهوان

ماتت إيمان

ماتت و كان من حقها

ينطق بكلمه فمها

تمسك عروسه بيدها

تعمل ضفيره ف شعرها

و يوم العيد ترتدي فستان

ماتت إيمان

سكن القلب الضعيف

بطَّل يضخ الدم

ف الجسد النحيف

عود الزرع الوليد

خطفوا منا الخريف

و إحنا و لا داريين

سامحينا يا فلسطين

سامحينا شايفه عينينا

بس الإيدين عاجزين

سامعـينك بتنادينا

و نقول ياريت قادرين

نصرخ صرخة غضب

نرفع تاني الجبين

يا خسارة يا عرب

ما تفوقوا يا مسلمين

الأرض بِتغتصب

و الأرض عرض .. دين

و لإمتى صامتين

دي إيمان ماتت رضـيعه

ماتت و لسه طعم الحليب على شفتينها

زي الخيط الحرير ملمس إيدينها

مـَلـمـَس إيـديـنـهـَا

مـَاتـِت إيـمـَان

مـَاتـِت إيـمـَان

أغتيلت الطفلة الرضيعة إبمان حجو في مايو 2001

رابط تحميل القصيدة

شاهد الفيديو كليب

0
0
0
s2smodern