إنتفاضة الأشعار - الأكثر قراءة

رجال غزه

الزيارات: 685
تعطيل النجومتعطيل النجومتعطيل النجومتعطيل النجومتعطيل النجوم
 

نحلف برب العزه ... و نصلي ع المختار

و نقول رجال غزه ... طول عمرهم أحرار

لا إتنازلوا عن حقهم ... و لا باعوا يوم أرضهم

ما خافوش غير ربهم ... الواحد القهار

و لا كانوا يوم ناسيين ... إن العدو صهايين

و لا نسيوا الشيخ ياسين ... و لا نسيوا أبو عمار

و برغم كل المحن ... و عشان تراب الوطن

دفعوا دماهم تمن ... الشهدا الأبرار

مش بالكلام و الخطب ... و لا مين أدان أو شجب

دا اللي بنار مغتصب ... ما يعودش غير بالنار

و هييجِي يوم لازم ... ينتصروا ع الظالم

بقدرة الدايم ... و بنخوة الثوار

و هيرجع الغايب ... يتلاقى بحبايب

و يلاقي ليه نايب ... و يبني تاني الدار

و الزرع في غيطانه ... تحلَّو ألوانه

و الأقصى أركانه ... هتلالي بالأنوار

0
0
0
s2smodern