إنتفاضة الأشعار - الأكثر قراءة

جرحين

الزيارات: 924
تعطيل النجومتعطيل النجومتعطيل النجومتعطيل النجومتعطيل النجوم
 

 

الجرح كان واحد .. كبر بقى جرحين
باعوا رخيص العراق .. زي ما باعوا فلسطين
كتبواعلينا الفراق .. الحكام الظالمين
كلهم جبناء .. كلهم خاينين
حرمونا من بغداد
من نهر دجله
من شطين الفرات
بقينا كالأموات

و لسه بنقول إننا عايشِين

و لفين واخدنا يا طريق
و يا ترى ف نهايتك هتسعنا
و لا ناوي كمان تضيق؟
و لإمتى يا حياه
كدا نعيشك بلا معنى؟
دا يوم ما باعوا القدس ضعنا
و أما باعوكِي يا بغداد
حسينا إن إحنا إتقتلنا
إيه لسه باقي ما أتسرقش منا
بيحاربونا في دينا
و بيحرمونا من كلمة وطنا
و يدنسوا تراب الأرض
و يقسمونا طول و عرض
تتوزع الأحزان ما بينا
تتجمع الدمعات في عينا
يارب عينا
ثبت قلوبنا و إوهِبنا إيمان
خلي خوفنا يبقى منك
مش من سلاح الأمريكان
إدينا قوه ندفن بيها إحساسنا الجبان
يبقى اللي جوا
هو نفس اللي بيقوله اللسان
يتفجر صمتنا بركان
و نكون رجال الآن
يا إما لن نكون
و دم الشهدا اللي سال
ف كتاب حسابنا يكون
بس ما يكفيش الكلام
و لا هيداوي الآلام
إلا إن قدرنا ننتفض
و نقول آن الأوان
الظلم و الخوف يترفض
و بدمن يرتوي بستان
يطرح سنابل عزه
و سنابل كرامه
مش حياه ذل و هوان
و الشمس بعد الليل تبان
يرقص الزرع ف غيطان
ترحل يا دمع
و تعود يا إبتسام
و نقول كمان
يمكن يـصحى النعسان

ال
جرح كان واحد .. كبر بقى جرحين
باعوا رخيص العراق .. زي ما باعوا فلسطين

رابط تحميل القصيدة

شاهد الفيديو كليب

0
0
0
s2smodern