إنتفاضة الأشعار - الأكثر قراءة

شجرة بتوع

الزيارات: 744
تعطيل النجومتعطيل النجومتعطيل النجومتعطيل النجومتعطيل النجوم
 

كل القلوب متوجعه .. و أنا كمان موجوع

و عيون كتيره مدمعه .. و أنا غريق ف دموع

تاه الكلام ف المطبعه .. و لا عادش صوت مسموع

غير بس صاحب منفعه .. لقى ف السلام مشروع

سلطَه رئيسها إمعه .. أجره بدولار مدفوع

ماسك ف ديل المُرضعه .. رهن الإشاره و طوع

تديه بجزمه ملمعه .. أو وسخه مش ممنوع

بس المهم يكون مع .. جرابيع عشان جربوع

و صحابه شله مطبعَّه .. نفس الصفات و النوع

شجره خبِيثة مفرعه .. مش طارحه إلا بتوع

مافهُمش واحد مجدعَّه .. بِيقول كلام مبلوع

آخر كبيرهُم بعبعَّه .. يسمعلها المخدوع

ركِّز معايا يا ألمعَّه .. راح تفهم الموضوع

رضيوا بحدود متقطعه .. و بسور بقى مرفوع

و بنار ف دارنا مولعَّه .. و حصار و ظلم و جوع

و أم و ولادها الأربعه .. شُهدا من المجموع

و عشان يعيشوا ف معمعه .. لغوا من قاموسنا رجوع

0
0
0
s2smodern