إنتفاضة الأشعار - الأكثر قراءة

شده وهتزول

الزيارات: 963
تعطيل النجومتعطيل النجومتعطيل النجومتعطيل النجومتعطيل النجوم
 

شدة و هتزول

و الحال المايل مش هيطول

و لابد يا ليل العتمه
و ضروري و لازم ترحل
و هتطلع تاني الشـمس
تطرد سحابات الغمه
تتجمع تاني الأُمه
تتوحد رايه و كلمه
و ربِنا الهادي
واحشاني يا بلادي

ياما مالت بينا الدنيا
و ياما قاسينا
ياما نمنا و كان الدمع
بيملا عنينا
و كتير م القلب بكينا
بس إحنا بنينا
تابوت الخوف بإدينا
و بقينا بِنسكت مهما نشوف حوالينا
طواغيت الظلم إِتحدوا علينا
فرعون و هولاكو .. بوش و بلير
قال إحنا الشر و هُمَّ الخير
هُمَّ اللي إغتصبوا أَراضي الغير
هُمَّ اللي تاريخهُم نار و دمار

هَدم و تَقتيل

مين غيرهُم قَسِّم بالقهر فلسطين

مين غيرهُم ع اللي بيحصل مع لبنان سـاكـتـيـن

مين غيرهُم غمى عيونُه ما شفِش جنين؟

مين غيرهم هُمَّ مع حُكام خاينين؟

مين غيرهُم هُمَّ السجانه

و بحور الدم و كل أداة تعذيب

مين غيرهم بإديه ورانا

إزاي الظلم بِيبقى رهيب

و إزاي النفس البشرِية

بتكون وحشيه و همجيه

مش بني آدمين دولا ديابه

و الأرض ف قوانينهم غابه

و عليهم تشهد يا أبُو غريب

 

بس إحنا كمان و بلاش نكدب

ما بقِتش حالتنا

خلاص تعجب

ما بقاش غير دمعك

مع دمعي

و جراح واجعاك و بتوجعني

كلمتنا إتسجنت ف حناجر

و لا عايزه لا تخرج و لا تطلع

و البسمه الصافيه خلاص غابت

مش راضيه لا تيجي و لا ترجع

غير لما القدس 

تعود لينا

و بإيدنا حقوقنا ننول

و نعيد ياعراق تانِي ماضينا

فوق أرضك عرض و طول

و وطنا العربي يعود بينا

من تاني وطن موصول

دا الحاصل بينا و فينا

شدة و لازم هتزول

رابط تحميل القصيدة .. يا عم بغدادي

0
0
0
s2smodern