إنتفاضة الأشعار - الأكثر قراءة

فاوِّض

الزيارات: 861
تعطيل النجومتعطيل النجومتعطيل النجومتعطيل النجومتعطيل النجوم
 

فاوِّض

ما يهمَكش الشعب الصامد

و لا تتكلم بسم الشهدا

و إوعى تقول إنك بتجاهد

و إنت نسيت إزاي تِتوضى

فاوض بس بإسم الخونه

و إسم الجُبنّا

حط إيديك ف إيدين الكهنَّه

بوسها دماغ أسيادك

إحضنهم ليجيبوا بدالك

إشرب كاس فيه دم إخواتك

إوعى تفكر إلا ف حالك

إسألهم عن نوع عربيتك

و اللي هيدخل كشف حسابك

إترجاهم يفضل بيتك

و لا يِتهدش على أولادك

إوعاك تنطق كلمة قاوم

متزعلش الست الهانم

تقعد أقعد

و أما تقوم إنت تروح قايم

توعد إوعد

و اللي يعارضك قول مش فاهِم

و اللي يقولك دمنا سايل

إعمِل نايم

دا أنت حقيقي ممثل هايل

قادر تلعب دور الريس

و إنت الخادم

قادر تِكدب و تقول مخلص

و إنت الخاين

تتكلم بسم الشجعان

و إنت ف أصلك ندل جبان

فاوض و إنت سعيد فرحان

لايقه عليك الجنتِل مان

إوعى ف يوم عنها تتنازل

بعد ما ضاعت منك راجل

يعني راضيهم قوي و إتحايل

و إتمسكن و إياك تتطاول

و أحسن حاجه إنك تِتهاود

تفضل ساكت

قبل ماتلقى هدومك ضاعت

فاوِّض

0
0
0
s2smodern