إنتفاضة الأشعار - الأكثر قراءة

إوعوا تبيعوا فلسطين

الزيارات: 880
تعطيل النجومتعطيل النجومتعطيل النجومتعطيل النجومتعطيل النجوم
 

 

أنا واحد زي بقيت البني آدمين
و أنا عمري ما روحت فلسطين
أنا من مصر
أقُولها بإعتزاز
و أقُولها بكل فخر
لكن ف عروقي و شراييني
حاسس و كأني فلسطيني
و كأن محمد كان إبني
حسيت أنا دمه اللي بينزِف
خارج من قلبي و من بدني
من أبعد حته ف جوايا
و لاقيتها دموعي بِتغلِبني
و أنا سامع صوتك يا أمايّا
بتقولي يا مين يِسمع مني
أو مين هيجاوبك يا نِدايّا
فينك يا ضنايّا؟
بعدك و فراقك عذبني
و لا يوم غاب طِيفك و لا سابني

أنا طفل إتحرِقت كراستي
مشتاق لِزمايل مدرستي
و صحاب الشارع و الحاره
و بحن لأبويّا اللِي إستشهِد
أنا زي أخويّا اللي إتقيد
أنا إبن الدار اللي إتهدت
أنا زرع الأرض اللي إنجرفِت
أنا بنتي إيمان اللي إتقطفِت
أنا أختي وفاء اللي إنتفضت
أنا عمري ما هنسى و لا هسكت
هنطق بلساني و بلسانكوا
أنا بسأل نفسي و بسألكوا

راضيين عن حالي و عن حالكوا؟
حاسين إن إحنا صحيح عايشين؟

دا أنا واقف لسة مكاني
و إنتم واقفين لسه مكانكوا
قاعدين نستنى صلاح الدين
طب إيه عاملين؟
طب فين راح دوري و فين دوركوا؟

جيت أفكر نفسي و أفكركوا
ف رقبتي الدم و ف رقابكوا
صامده فلسطين و بتندهكوا
مدولها إيديكم و أعدوا
زي ما قالكوا رب العالمين
و إوعوا تبيعوا فلسطين
إوعوا تبيعوا فلسطين

رابط تحميل القصيدة

شاهد تسجيل حي للقصيدة

شاهد الفيديو كليب

0
0
0
s2smodern