إنتفاضة الأشعار - الأكثر قراءة

سنه و شيعه و كرد

الزيارات: 996
تعطيل النجومتعطيل النجومتعطيل النجومتعطيل النجومتعطيل النجوم
 

مش ناسيين الشهدا

مهما تطول يا فراق

مهما الدنيا هتفضل صامته

و بيملاها نفاق

أمة طه هتفضل صامدة

للجنه بتشتاق

و لا هنوافِق يوم و لا نرضى

نتقسم أجزاء

طول عمرنا مع بعض

سُنه و شيعه و كرد

سوا رويناها الأرض

بدمانا ف حطين

سوا شفناه المجد

ويا صلاح الدين

عايزة جيوش الغرب

نصبح منفصلين

و تقيد نار الحرب

و تفرق أخين

تاني نعود نرتد

لزمان الجاهلين

سوا ما نقولش يارب

سوا ما نقولش آمين

لأ بِنقول م القلب

هنكون متحدين

ضد ولاد الكلب

الكفره الظالمين

و الحُكام الغصب

العُملا الخاينِين

و الوزارات النصب

و شيوخ السلاطين

و القوانين الكِدب

كتبوها الشياطين

كل غرضها الشعب

ما يكونلوش موازين

لأ هنقول و نهب

و خلاص مش ساكتين

و زي ما دوقنا المُر

هيدوقوا المورين

و من بغداد الحر

هنروح لفلسطين

نزرع تاني التمر

و الزيتون و التين

لون أرضنا يخضر

بدل الدم سنين

و بعـد مرار الهجر

نمسح دم العين

و نشوف ضى الفجر

تمضي يا ليل يا حزين

و تاني نعود نبنيها

دارنا و نسكن فيها

و نكون يد بيد

سنه و شيعه و كرد

0
0
0
s2smodern