إنتفاضة الأشعار - الأكثر قراءة

دول رجاله

الزيارات: 877
تعطيل النجومتعطيل النجومتعطيل النجومتعطيل النجومتعطيل النجوم
 

 

دول مش حريم

دول رجاله

و غيرهم نسوان

ما خافوش عسكر عمالة

تقتل فينا الإنسان

و لا خافوا بنادق و لا آلة

ف إدين مفتري و جبان

قالوا إنت يارب اللي معانا

ع الغاصب و اللي خان

دي الأمة خلاص غفلانه

و مافِيش مُعتصم الآن

فيه بس سيادة الريس

و معالي رئيس المجلس

و سعادة الوزير

و فخامة السفير

و الأخ القائد الكبير

و صاحب الحشد الغفير

و ولي العهد الأمير

و جلالة الملك

و عظمة السلطان

و الكل بزمبلِك

ف إدين الأمريكان

لو شاكك في ذلك

فأسمحلِي أكيد غلطان

ما تخافش و ترتبك

أبقى أعمل مش فهمان

قول ما أنتش مشترك

و لا تعرف أي فلان

و إن سألوا عليّا ف حاجه

قول ليهم شاعر مخبول

قول كل كلامي سذاجه

متكسَّر مش معدول

و ياريت لو فيها سماجه

و أكون لسيادتك ممنون

لسؤالي تلاقي إجابه

مع إنه سؤال مجنون

هاااااااااااااه ـ ـ ـ

لساها النفخه الكدابه؟

لساك برجولتك نشوان؟

مش حاسس كدا بكآبه؟

و بقيت من نفسك خجلان؟

أخواتنا ف وسط ديابه

بِيواجهوا جحيم و نيران

إفتكرُم لينا مهابه

أتارينا طلعـنا فيران

الآيه إتقلبِت يا آبه

نسوانا بقُم أبطال

و إحنا اللي بقينا خيابه

ناقص عورتنا تبان

و أنا عارف سبب الحاله

و أنتُم عارفِينوا كمان

بِنعِيد و نزيد ف قواله

و نقول إننا شجعان

و دي حاجه بجد محاله

طول ما أحنا حاكمنا بغال

خونه و ظالمين و عمالَّه

و ألفاظ ما يصحِش تِتقال

فلإمتى هنبقى عواله

و هنفضل كدا نِتهان

ستات بعتولنا رساله

حد يرد يا جدعان

نساء بيت حانون خرجن في مظاهرة لفك الحصار عن مقاومين حوصروا في مسجد النصر في نوفمبر 2006 و نساء مصر طالبن بالحرية في ميدان التحرير 2011 فهل هناك فرق في تعامل الجيش الصهيوني و الجيش المصري مع حرائر الأمة؟

0
0
0
s2smodern