إنتفاضة الأشعار - الأكثر قراءة

مش إرهابي

الزيارات: 840
تعطيل النجومتعطيل النجومتعطيل النجومتعطيل النجومتعطيل النجوم
 

يا معجم المعاني

ليه البيان إختل؟

يا حروف كتبت كلام

ماله طريقك ضل؟

و لا العيب مش ف الكلام

العيب يا ناس فينا

بنادي بالسلام

مع غاصب أراضينا

ناسيين إنه إحتلال

و الأرض يوم لينا

و إن إنت مش إرهابي

مش إرهابي يا عابد ربك

مش إرهابي يا حابب أرضك

مش إرهابي و أرضك عرضك

دا أنت فدائي

إنت دليل كرامتنا الباقي

إنت الصوت الصادق فينا

إنت نجوم قايده ف ليالينا

و إنت شهيد و مقامك جنه

و أجمل منها فين هتلاقي

أنت فدائي مش إرهابي

إرهابي صحيح اللي بيقتِل

أحلام أطفالنا بصواريخه

إرهابي صحيح اللي بِيكتِب

بدمانا حكايته و تاريخه

إرهابي اللي بيحرم أم

من ضم ضناها لأحضانها

إرهابي الجيش اللي بظلم

بِيحاصر أُمّه في وطنها

يا قانون العالم ملينا

و فاض بينا الكيل

و يارب مفيش غيرك لينا

و لا لينا بديل

هنكافـح دايماً و نجاهد

نستشهد واحد ورا واحد

دا اللي بِيحمي بلاده شهيد

و اللي يضحي عشان أولادُه شهيد

أيوه شهيد الحق فدائي

هو دليل كرامتنا الباقي

مش إرهابي

مش إرهابي

رابط تحميل القصيدة

0
0
0
s2smodern