إنتفاضة الأشعار - الأكثر قراءة

إلى من يهمه الأمر

الزيارات: 913
تعطيل النجومتعطيل النجومتعطيل النجومتعطيل النجومتعطيل النجوم
 

إلى من يهمه الأمر
و لكل واحد
لسه قادر ع الكلام الحر

طول ما إسرائيل ليها إسم
فوق الخريطة بينكتب
و يخش مدارسنا جوه الفصول
بين أوراق الكتب
و ليها فوق أرضنا علم
و بنعلم ولادنا يكتبوها بالقلم
و طول ما صوت الحق كان محبوس و بيتنكر
و طول ما أحنا مش عايزين نفتكر
طعم الحياه دايمآ هيفضل مر
إلى من يهمه الأمر

هتفضل صوره ف خيالنا
تبكينا على حالنا
صوره بطلها كان صبي
إسمه على إسم النبي
نادى علينا قال مدد
نادى علينا يارجال
لقانا يدوبك عدد

كله أصفار ع الشمال
مات مقهور الولد
يا خساره يا بلد

خطفوه من بين إيدينا
قتلوه من ضعف فينا
شُفنا الظلم بعينينا
و الحال ما بقاش يسر

دا كأن فيه سحابه
فوق سمانا غيمِّت
خرجُم تاني الديابه
لما نجومنا ضلمت
و أما أختفى قمر الطريق
ضلت خطاوي الطفل ف العتمه
سكتت حكاوي العدل و الرحمه
جفت غصون
محرومه فوق تراب الأرض تكبر
بكيِّت عيون
لا قادره تنام و لا تسهر
عيون مشتاقه حيط الدار
و مشتاقه لأهل و جار
مُناها تشوف
تراب الأرض متحرر
ف قلب الليل هلال نوَّر
يورينا الطريق تاني
لإمتى يا قلبي هنعاني؟
و إمتى يا زمان هتمُر

رابط تحميل القصيدة

شاهد الفيديو كليب

0
0
0
s2smodern