إنتفاضة الأشعار - الأكثر قراءة

جميله القدس

الزيارات: 720
تعطيل النجومتعطيل النجومتعطيل النجومتعطيل النجومتعطيل النجوم
 

 

بكره هتنطق يا حجر

و تشهد حق مين الأَرض

بالدم نرويك يا شجر

مسيرك لينا عون ف اليد

و أنا يا بكرة مِطمِن

أنا يا بكره مش خايف

كلام الحق مدَّوِّن

و إمتى الحق يوم خالف ؟

و بعد الليل ضروري فجر

و قد الويل يكون الأجر

وأَجرك يا شهيد جنه

و دمك ف التراب حنه

عروستك بيها تِتحنى

نقول يارب عقبالنا

جميله القدس

و كان عرس الشهيد موكب

و كانت أُمه تستعجب

تزغرد و العيون سارحه

صغير يا ولدي ع الفرحه

صغـير يا ولدي تتركني

صحيح القلب فرحانلك

لكن ساعة الفراق جارحه

تقرب منه بخيالها

تحسه قريب لأحضانها

و تسمع صوته ف ودانها

يا أمي إحكِيلـي عن بلدي

تقوله جميله يا ولدي

أنا يا أُمي بهواها

تقوله يا ولدي محلاها

جميله القدس

هنا يا ولدي عاش جدك

و صلى كتير ف بيت ربك

هنا المسجد الأقصى

مجاور قبة الصخرة

إليه هادي البشر أسرى

عرفت القدس إيه هيّ؟

عرفت القدس ليه غاليه ؟

حجارة أرضها صالحه

و أنا ف إيدي حجر منها

أنا حاسه بأحزانها

في عينك دمع يا أُمي

بكِيتى و الدموع طاهره

سامحني يا ولدي مش قادره

دموع فرحي وأنا صابره

مِآمنه إِن فيه بكره

وِبـُكـرَه

بكره هتنطق يا حجر

و تشهد حق مين الأَرض

بالدم نرويك يا شجر

مسيرك لينا عون ف اليد

رابط تحميل القصيدة

0
0
0
s2smodern