إنتفاضة الأشعار - الأكثر قراءة

قاوم

الزيارات: 910
تعطيل النجومتعطيل النجومتعطيل النجومتعطيل النجومتعطيل النجوم
 

 

قاوم

إوعى تخاف

إوعى تطاطي الراس و تسلم

شيل كفنك فوق الأكتاف

و جبينك مرفوع يِتشاف

و إختار موتك بين أشراف

و إوعى ف حقك مره تساوم

قاوم

قاوم بصمودك و إيمانك

بإديك ـ بعيونك ـ بلسانك

قول كلمة حق

يتقل بيها كف ميزانك

أصرخ قول لأ

كسرها قيود سجانك

متسِبِش الوقت يفوت

ترجع تبكي على بلادك

متشوفش الناس بِتموت

و تروح تدارى خلف بيبانك

قاوم

مش دايم غير وجه الدايم

و الأيام طبيعتها دوالي

فيها نهار و ليالي

و زي ما فيها مرار

فيها أمال و أماني

فيها خسيس غدار

فيها مخلص غالي

فـِيـهـَا نـعـيـش أحـرار

و لا يوطاش العالي

و نعود تاني يا دار

بعد الفرقه ما طالت

يعني هتفرج بعد ماضاقت

بس نطلع صوتنا الساكت

بس نصحي ضميرنا النايم

يعني نقول ظالم للظالم

يعني نقاوم

قاوم

مش دايم غير وجه الدايم

و لا غير المكتوب هيكون

و لا غير السكه المرسومه

هنشوف يا عيون

و المكتوب مكتوب

و مافيش منه هروب

مكتوبه علينا يا ساعه حزينه

و كمان مكتوبة يا ساعة فرح

مكتوب لو إيدنا ف إيد بعضينا

هنداوي الجرح

مكتوب لو طالت ليالينا

فيه لازم صبح

قَرب و بشايرُه خلاص بانت

يعني هتفرج بعد ماضاقت

بس نطلع صوتنا الساكت

بس نصحي ضميرنا النايم

يعني نقول ظالم للظالم

يعني نقاوم

قاوم

مش دايم غير وجه الدايم

شاهد تسجيل حي للقصيدة

0
0
0
s2smodern