إنتفاضة الأشعار - الأكثر قراءة

قمة ورا قمة

الزيارات: 828
تعطيل النجومتعطيل النجومتعطيل النجومتعطيل النجومتعطيل النجوم
 

 

لأجل غير مسمى

أجلوا القمه

هانت عليهم الأمه

و فركشوا اللمه

و كما راحوا ـ كما عادوا

و لا قالوا ـ و لا عادوا

و لا مسحوا و لا كتبوا

و لا دانوا و لا شجبوا

دول بس راحوا إتصوروا

صرفوا فلوسنا و بعتروا

كنا فاكرين هيقرروا

قلنا يجوز إتغيروا

و أتاري هم فكروا

مع بعض يعني و دبروا

قالوا نعمل خلاف

و نسيب شعوبنا تفسره

و إحنا بينا إئتلاف

لا نعادي بوش

و لا نخسره

و الباقي إنتوا عارفينه

و ضروري زيي فاهمينه

يعني مش محتاج أكمل

فشلت القمه م الأول

و لا قادوا لينا شمعه

و لا مسحوا لأم دمعه

و الإسم قال جامعه

ـ ـ ـ

طيب يا سيدي مصدقينكوا

بس هي يعني بيت العرب

و لا بس لوحدكوا بيتكوا؟

يعني زي ما أنتوا

على حسها بِتشربوا و تاكلوا

و يوماتي بلاد تسافروا

و تشوفوا كل العالم

من أوله لآخره

إحنا برضه زيكوا

لينا نصيب

و بصراحه يعني

إحنا أولى م الغريب

و لا أنتوا و بس تعيشوا

و إحنا لوحدينا نموت؟

إنتوا و بس اللي تقولوا

و إحنا مالناش و لا صوت؟

و تفوت قمه ورا قمه

و مافِيش و لا حاجه مهمه

غير هُم تلات قرارت

كل المخاليق عارفينها

تفضل الأمور عايمه

و المشاكل كلها قايمه

و القاده العرب نايمه

لأ و إيه

لأجل غير مسمى

أجلوا القمه

ـ ـ ـ

طب كانوا ليه بس إبتدوها

مش كان أحسن لو لغوها

و لا كانوا قسموها

يعني أول يوم ف تونس

و تاني يوم ف مصر

و تالت يوم

في حته تاني شكل

و آهو منه يغيروا المنظر

و يغيروا ف الأكل

و مادامت الشعوب سكتت

و بكل حاجه رضيِّت

تبقى سهله الحكايه

هيجِيبوا لصحابهم هدايا

و تخلص الزياره

و قبل كتابة النهايه

كل واحد يقوله كلمتين

و لابد طبعاً هيصقفوا الباقيين

و هيرفعوا الإيدين كلهم موافقين

على نفس القرارات الدايمه

التلاته هُم هُم

تفضل الأمور عايمه

و المشاكل كلها قايمه

و القاده العرب نايمه

لأ و إيه

لأجل غير مسمى

أجلوا القمه

رابط تحميل القصيدة

شاهد الفيديو كليب

0
0
0
s2smodern