إنتفاضة الأشعار - الأكثر قراءة

حاسس بيك

الزيارات: 769
تعطيل النجومتعطيل النجومتعطيل النجومتعطيل النجومتعطيل النجوم
 

حاسس بيك
و إنت محاصر فوق أراضيك
الجيش الجرار حواليك
غير أحجار مش طايله إديك
و مافيش إيد ممدوده إليك
و برضه إخترت كفاح و صمود
علشان أرضك تاني تعود
و ف يوم النصر الموعود
ضي نهار هتشوف بعنيك
و إنت معاك الله يقويك
حاسس بيك
و لا لحظه يسيبك وحديك

حاسس بيك
لما يموت الطفل برئ
و القاتل في الدنيا طليق
و يفوتك إخوه و صديق
وحدك ماشي ف وسط طريق
عطشان نخوه و جف الريق
برضه بتصبر ع المكتوب
و لا تِرضاش تكون مغلوب
علشان حقك يرجع ليك
و إنت معاك الله يقويك
حاسس بيك
و لا لحظه يسيبك وحديك

حاسس بيك
لما بعينها تشوف الأم
مرمي ضناها بينزف دم
و خلاص مبينطقش الفم
تمسح دم يسيل بالإيد
تفرح إن ولدها شهيد
و تفكرنا برب كبير
جيش أفيال و أباده بطير
وياها نبارك خطاويِك
و إنت معاك الله يقويك
حاسس بيك
و لا لحظه يسيبك وحديك

حاسس بيك
متغرب في الدنيا سنين
بقى بلدك مقسوم نصين
و ف دارك عايشين غاصبين
إنما قلبك كله حنين
و لا عمرك شكيت في يقين
و لا ف بشارة خير رسول
إنك أرضك يوم هتنول
و تراب طاهر مستنيك
و إنت معاك الله يقويك
حاسس بيك
و لا لحظه يسيبك وحديك

رابط تحميل القصيدة

0
0
0
s2smodern