إنتفاضة الأشعار - الأكثر قراءة

متشكرين

الزيارات: 792
تعطيل النجومتعطيل النجومتعطيل النجومتعطيل النجومتعطيل النجوم
 

ياحكام العرب .. متشكرين

شايفين حقوقنا بتُغتَصب .. و مطنشين

إحنا بنغلي م الغَضب .. و إنتم و لا سائلين

قاعدين على كرسي دهب .. و ف البنوك ملايين

و لا حد غيركم السبب .. لو ضاعت فلسطين

يا حكام العرب متشكرين

 

أساميكم حفظناها .. خَلاص بالأمر

قانون ف بلادنا أعلاها .. طويل العمر

محدش غيره ف زمانه .. يفكر يبقى في مكانه

دا كرسي الحكم عَلشانه .. بنسبة تسعه فوق تسعين

 

متتحرموش م اللمه .. و تتقابلوا في ميت قمه

و كل رئيس يقول كلمه .. يوجه شكر للأمه

و لإخوانه المواطنين

 

إدانه و شجب و إستنكار .. و تملا صوركم الأخبار

تقيد ف قلوبنا تاني النار .. مافيش مره بتخدوا قرار

يقوينا على الظالمين


و فين راحت كرامتنا .. خلاص أمريكا ذلتنا

دي فوق أراضينا حاصرتنا .. عشان توصل لكعبتنا

و تبقى قريبه م الحرمين


و إمتى تفوق ضمايركوا .. و دم شهيد يفكركوا

في تل أبيب سفاراتكوا .. و بتناموا و بترولكوا

أهم سلاح ف إيد صهايين


متشكرين
متشكرين من قلبنا
و الحمد ليك يا ربنا
دا الحكم ثابت عندنا
و إن حد مات بيفوتلنا
إبنه و نفس المسئولين

يا حكام العرب .. متشكرين

رابط تحميل القصيدة

0
0
0
s2smodern