بحبك يا مصر - الأكثر قراءة

العيال كبرت

الزيارات: 42
تعطيل النجومتعطيل النجومتعطيل النجومتعطيل النجومتعطيل النجوم
 

نفس العيال اللي زمان ضربوك

وقلت هترد أما تكبر

هم اللي كبروا وصغروك

ورفعوا في وشك كارت أحمر

 

العيال هزموا غرورك

خلوك ترجع تكش

العيال هدموا قصورك

اللي إتبنت واللي لسة ما أتبنتش

العيال قالوا مش عايزينك

وأنت عملت مبتسمعش

العيال طلعوا يقولولك

ثورة يناير ما أنتهتش

 

العيال شايفين عيونّا

اللي مليانة شجن

العيال حاسين همومنا

ومعانا دافعين التمن

العيال هم ملايكة الوطن

هم مرايته .. وهمّ مستقبله

بالفِطرة رفضوك في العلن

وعن كرههم ليك عبروا

العيال شِهدوا عليك

إنك عدو لربنا

طب ما أنت قلتها لوحديك

وإحنا سمعنا كلنا

 

مش أنت قلت اللي ميرضهوش

هتكون وراه وتأيده

يعني العيال مبيكدبوش

ولا غير كلامك رددوا

وكأن حِكمة ربك

سبحانه وتعالى

تشهد أنت بنفسك

على نفسك البطالة

وتخاف لو حد قالك

يديلك على النوايّا

واضح زي اللي قبلك

الظالمين في الحكاية

لازم هتكون نهايتك

لكل الخلق آية

وزي زمان ماضربَّك

عيل وكتب البداية

ييجي تاني عيل برضَّك

يكتب هو النهاية

نهاية تشبه نهاية النمرود

بقرصة من دبانة

أو نفِّي فرعون م الوجود

بضربة واحدة من عصاية

0
0
0
s2smodern