بحبك يا مصر - الأكثر قراءة

المُعارصّة

الزيارات: 325
تعطيل النجومتعطيل النجومتعطيل النجومتعطيل النجومتعطيل النجوم
 

أول مايبدأ يتزنق الدكتاتور

ويحس إنه بينتهي وقرب يغور

يرجع يعيد التمثيلية

بنفس الأحداث الثابتة

سهوكة على حبة حنية

بدل التهديد والشخطة

للناس الخاضعة المطاطية

كام كرتونة وكام شنطة

ويسيب الحبل شوية

جايز يخرج م الورطة

فنشوف بعينا مسرحية

كلنا عارفينها ساقطة

وكل اللي قالوا إنه رمز العبقرية

وإنه فلتة

يلعبوا دور ثورجية

وفجأة قال مسكوله غلطة

عن حقوقنا الإنسانية

يرزعونا ألف خطبة

وممكن يطالبوا بالحرية

ويعلا صوتهم حبة حبة

لعبة قديمة ومقرية

والكل فاهمها ومش صعبة

عارفينكوا شلة فورياجية

ودلوقتي دا دوركم ف الخطة

عليكوا تختزلوا القضية

والوطن كله في نقطة

تمسحوها قوام ف ثانية

من فوق ضاد المعارضة

يعني مش غلطة كتابة

ومافيش ولا نقطة ناقصة

رجعوا كلاب العصابة

لا مؤاخذة

يلعبوا دور المُعارصّة

0
0
0
s2smodern