بحبك يا مصر - الأكثر قراءة

إحنا الطرف الحزين

الزيارات: 205
تعطيل النجومتعطيل النجومتعطيل النجومتعطيل النجومتعطيل النجوم
 

مافيش طيارة واحدة .. م اللي راحوا للصهاينة

جت تطفيها النار القايدة .. عشان إحنا رخيص تمنّا

 

إحنا اللي تسيل دموعنا .. في الحزن وف الأفراح

في الراحة قلوبنا بتوجعنا .. علشان في البال جراح

بنروح في طريق رجوعنا .. وبنستنى اللي راح

ونشبع من طَعم جوعنا .. واللي يموت مننا يرتاح

وأما يوم لاقينانا ـ ضعنا .. وإتحرمنا من المباح

صرنّا معنى عكس معنى .. مسجونين جوا البراح

 

إحنا اللي أغراب جوا منه .. وبرا الوطن أغراب

إحنا اللي ياما قلوبنا أنوا .. على فرقة الأحباب

إحنا اللي يومنا يفوت كأنه .. حاجة تشبه السراب

حتى بكرة إن جه نظنه .. ضوء رُفيّع بان وغاب

كل شئ بقى غالي تمنه .. وإحنا أرخص م التراب

كله عايش غصب عنه .. والطريق وحل وضباب

 

إحنا اللي على طول في الحكاية .. ع الهوامش مكتوبين

م االبداية للنهاية .. إحنا الطرف الحزين

دايرة فوقينا الرحايا .. وبظلم مطحونين

وجوا فصول الرواية .. دايماً مش محسوبين

غير لما نكون ضحايا .. ع الأرض مرميين

ييجوا يقروا علينا آية .. ويعدوا الميتين

0
0
0
s2smodern