بحبك يا مصر - الأكثر قراءة

سهرة يونيو

الزيارات: 61
تعطيل النجومتعطيل النجومتعطيل النجومتعطيل النجومتعطيل النجوم
 

الثورة مش مجرد ناس بتهتف في الشوارع

و لا هي بس زحمة ف الميادين

الثورة مش إستمارة ف المطابع

يمضي عليها مجهولين

الثورة ثورة لما فيها يبقى طالع

ناس بالمبادئ و الشرف و العدالة مؤمنين

مش يبقى فيها البلطجية ..  والفاسدين والحرامية

و اللي حاصروا الجوامع

واللي ضربوا النار علينا ف الشوارع

و أصحاب المطامع و اللي لضميره بايع

 جنب الفلول .. نازلين

...

الثورة كانت ثورة لما كنا كتلة واحدة

لما هتفنا كلنا .. ضد الداخلية الفاسدة

لما دعينا ربنا .. مابين الركعة و السجدة

يارب ترجع مصرنا .. المسروقة المتاخدة

...

الثورة كانت ثورة حقيقي

ف يناير  خمسة و عشرين

يوم ما كنا يا صديقي

مع بعضنا متجمعين

أما يونية تلاتين

 (و برغم بعض المخدوعين)

أنا شايفه بإمتياز

و بدون أي إلتباس

و ف رأي كل الناس

من غير و لا كلمة زايدة

هو أصل الإنقلاب

هو الثورة المضادة

0
0
0
s2smodern