بحبك يا مصر - الأكثر قراءة

قضى بالبراءة ربنا

الزيارات: 118
تعطيل النجومتعطيل النجومتعطيل النجومتعطيل النجومتعطيل النجوم
 

كسر الفراق قلبنا

ووجعنّا مش ناكرين

وأما الوداع هزنا

وماكانش غيره بديل

الحزن توبه لفنا

ودوقنا طعم الويل

نزلت دموع على خدنا

كل مانمسحها تسيل

لكن ف وسط حزننا

و ف عتمة ليل طويل

عنا ماغابش حلمنا

ولا شوفناه مستحيل

وشوفنا البشارة كلنا

في عدل رب جميل

مرضيش قانونه بظُلمنا

ولا فرّح فينا ظالمين

سبحانه هو حكملنّا

بلا نقض ولا تدويل

قضّى بالبراءة ربنا

وعفو وإخلاء سبيل

قضّى بالبراءة ربنا

وعفو وإخلاء سبيل

من دنيا ماليها غش

من ناس بألف وش

من كل صاحب صوت

ف الحق ما أتكلمش

وعلي صوته في التضليل

قضّى بالبراءة ربنا

وعفو وإخلاء سبيل

من اللي باعوا الأمانة

واللي أحلوا الخيانة

واللي دماغهم محنيّة

قودام كل الديانّة

ومصادر التمويل

قضّى بالبراءة ربنا

وعفو وإخلاء سبيل

م اللي ف سكة ندامة

مشيوا و ع العين غمامة

في طريق حفروه فاسدين

ظَلمّة ويوم القيامة

الظلم حسابه تقيل

قضّى بالبراءة ربنا

وعفو وإخلاء سبيل

من الجبن والخسة

من قاضي ف منصة

أحكامه ولا تسوى

ورفعت الجلسة

لحد يوم الدين

مش حكمه ولا حكمنا

دا حكم رب وكيل

قضّى بالبراءة ربنا

وعفو وإخلاء سبيل

0
0
0
s2smodern