بحبك يا مصر - الأكثر قراءة

لون هدومك

الزيارات: 56
تعطيل النجومتعطيل النجومتعطيل النجومتعطيل النجومتعطيل النجوم
 

 

أنا اللي كان مفروض

أطبطب بالكلام عليك

وتمسح حروفي دموعك

أنا اللي كان مفروض

أكتب قصيدة ليك

تداوي جرح واحد من جروحك

أنا اللي كان مفروض

أقولك ألف سلامة

وألف ألف بِعد الشر .. على روحك

وأبشرك بيوم قيامة

تحاكم فيه كل اللي سلبوا حقوقك

أنا اللي كان مفروض أقولك

صعبت عليّا رميتك ع الأرض

وإني لما شفتك

بكيّت عينيا وقلبي عليك إتخض

أنا اللي كان مفروض

أكون كل اللي فات .. وأكتر

لكن صابني السكات

ومعرفتش صراحة أعبر

بس حقيقي اللي زاد

واللي على كله غطا

إني في لحظة سواد

حملتك الغلطة

وبدال ما أوصف همومك

وأصبرك ع الأسى والقهر

مقدرتش أمنع نفسي أني ألومك

ويصبح مرارك بلومي أمر

إزاي مختش بالك من لون هدومك

وليه محدش نبهك للأمر؟

لو أزرق في أبيض إخترته توبك

كانوا يخافوا منك

لحسن يكون

فيه ليك حماية وضهر

0
0
0
s2smodern